كارما قالت له امال ازاي كسبت المناقصة بنفس تصميماتي مالك ضحك وقال لها مين قال اني كسبت بنفس تصميماتك انا كسبت بتصميمات تانية خالص انا كنت عامل حسابي ان زين هيعمل حركة زي دي فقدمت تصميمين تصميم بتاعك عشان اوهمه اني هستخدمه وتصميم تاني جديد خالص هو اللي كسبت بيه انا اصلا كنت هكسب كده كده لان تصميمات شركتي كانت اقوى كارما بصت له باستغراب وقالت له يعني انت مضحكتش عليا قال لها لا يا كارما انا عمري ما اضحك عليكي انتي عارفة انا بحبك من امتى
كارما سكتت شوية وقالت له طب انت جاي ليه دلوقتي مالك قال لها جاي عشان اقولك ان زين راجع مصر كمان يومين وهيعمل مؤتمر صحفي وهيعلن انه هو اللي باع التصميمات وانها مسروقة منك عشان يبوظ سمعتك ويثبت انك انتي اللي بعتيها لي وانك خاينة لشركته كارما اتصدمت وقالت له ليه يعمل كده قال لها لانه عرف انك هتفضحيه فعايز يسبقك
في اللحظة دي كارما مسحت دموعها وضحكت ضحكة غريبة اوي خلت مالك يتخض قال لها انتي بتضحكي كارما قالت له بقى زين فاكر انه هو اللي ضحك عليا وفاكر انه هو اللي لعب بيا وانا كنت اللعبة بتاعته مالك قال لها قصدك ايه كارما قالت له تعالا معايا
كارما قامت فتحت اللاب توب بتاعها وورته لمالك فيديو الفيديو كان متسجل لزين وهو بيقول لها ابعتيلي التصميمات وانا هبيعها لمالك ونقسم الفلوس سوا وانا هسيب الشركة وهسافر وانتي تيجي معايا ونبدأ حياة جديدة مالك اتصدم وقال لها انتي كنتي بتسجلي له كارما قالت له لا مش انا اللي سجلت دي ميرا ميرا كانت حاطة كاميرا صغيرة في المكتب عشان كانت شاكة في زين من الاول وكانت بتحاول تحميني
كارما كملت وقالت له زين من اول يوم وهو داخل عليا وانا عارفة هو عايز ايه يوسف المحامي بتاع الشركة اللي هو صاحبه قالي على كل حاجة يوسف كان بيحبني وانا صديته فاتفق مع زين انه ينتقم مني يوسف هو اللي قاله ان نقطة ضعفي هي الشغل وانه لو عملي انه معجب بشغلي هقع على طول وانا مثلت اني وقعت بس انا كنت عارفة كل حاجة من الاول
مالك قال لها يعني انتي كنتي عارفة انه بيضحك عليكي وسبتيه كارما قالت له ايوه كنت عارفة وكنت بلاعبه بنفس لعبته التصميمات اللي بعتهاله دي مش التصميمات الحقيقية دي تصميمات مضروبة انا عاملها مخصوص عشان ابعتها له التصميمات الحقيقية انا شايلاها في مكان تاني خالص ومحدش يعرفها غيري انا وميرا مالك ضحك وقال لها يا بنت اللذينة يعني انتي اللي كنتي بتلعبي بيه مش هو كارما قالت له اللعبة الحقيقية لسه هتبدأ يا مالك زين فاكر انه كسب بس هو خسر كل حاجة هو باع سمعته وباع شركته وهيخسر كل حاجة لما الفيديو ده ينزل
وفعلا يوم المؤتمر الصحفي بتاع زين زين كان واقف قدام الصحفيين وبيقول ان كارما هي اللي خانت الشركة وباعت التصميمات لشركة منافسة وفجأة باب القاعة اتفتح ودخلت كارما ومعاها مالك وميرا ويوسف يوسف كان جاي يعترف بكل حاجة لانه ضميره أنبه بعد ما عرف ان زين كان هيورطه هو كمان
كارما مسكت المايك وقالت انا مش هتكلم كتير انا هوريكم فيديو واحد بس وشغلت الفيديو بتاع زين وهو بيتفق معاها يبيع التصميمات القاعة كلها اتقلبت والصحفيين هجموا على زين بالاسئلة زين وشه بقى اصفر وهرب من الباب اللي ورا بس البوليس كان مستنيه برا لان مالك كان مبلغ عنه بتهمة النصب والاحتيال
بعدها بكام شهر شركة اليوسف جروب اتقفلت وزين اتحكم عليه بالسجن وكارما فتحت مكتب هندسي خاص بيها هي وميرا وسمته كارما وميرا للتصميمات المعمارية ومالك بقى شريكهم في مشاريع كتير كبيرة وفي يوم مالك طلب ايد كارما قدام تاليا وميرا وكل الناس اللي بيحبوهم كارما وافقت لانها عرفت ان مالك هو الراجل الوحيد اللي حبها بجد من غير لعب ومن غير مصلحة وعرفت انها مش لعبة في ايد حد وانها هي اللي بتلعب اللعبة على مزاجها
وفي الاخر كارما قالت جملة عمرها ما هتنساها قالت اللي يفكر ان الست لعبة سهلة يبقى هو اللعبة الحقيقية وانا عمري ما كنت لعبة انا كنت بلاعب اللي فاكر نفسه بيلعب بيا كارما اتعلمت الدرس وبقت اقوى وعرفت ان الثقة غالية وان الحب افعال مش كلام ومالك كان بيحبها بجد وتاليا فرحت باختها وميرا قالت شفتي كلامي صح وكارما ضحكت وقالت انتي اختي بجد يا ميرا ووقفتك عمري ما انساها ابدا يا احلى صاحبة وحياتهم بقت احلى بعد ما خلصوا من زين وشره وخداعه ومكره اللي كان كبير اوي واتعلموا ان الحق لازم يرجع مهما طال الوقت وان الظالم لازم يقع
في الاخر وفعلا ربنا عوضها خير كبير وحققت كل احلامها اللي كانت بتحلم بيها طول عمرها وزيادة كمان بكتير اوي الحمدلله دائما
