صفية بصت لياسر وشافت في عنيه كل السنين اللي فاتت الترعة والغيط والمدرسة والغيرة والحب والوجع. شافت الواد اللي كان بيحميها من العيال في الشارع. ساعتها فهمت ان عنادها كان واخدها بعيد عن اصلها وان حلمها ممكن تكمله مع اللي بيحبها مش مع اللي هيمحي اصلها. رمت الطرحة وقالت بصوت عالي وانا موافقة ارجع مع ابن عمي. القاعة اتقلبت وفؤاد اتصدم وقالها يا صفية انتي بتهزري. قالتله انا اسفة يا فؤاد انت راجل محترم بس انا صعيدية وبنت عمي اولى بيا ولو هكمل حلمي هكمله في بيت جوزي ومع عيلتي.
ياسر يومها شالها زي ما بيخطفوا العرايس في الصعيد زمان وطلع بيها برا القاعة وسط الزغاريد بتاعت حنان وامال. ركبها العربية ورجعوا على النجع. طول الطريق صفية كانت بتعيط بس مش عياط حزن عياط راحة. قالتله يا ياسر انت لسه غيور زي ما انت قالها وهفضل غيور عليكي لحد ما اموت بس هسيبك تكملي طب وهبني لك مستوصف في النجع تكشفي على ولايا الحريم ببلاش. صفية ضحكت وقالتله بجد يا ياسر قالها بجد يا بت عمي.
رجعوا النجع وعملوا فرح كبير سبع ليالي والناس كلها جت تبارك. امام وحمدي اتصالحو وبقوا يقولوا اهو العند جاب الخير في الاخر. وصفية كملت دراستها وياسر كان بيوديها الجامعة في سوهاج بعد ما نقلت هناك وفتح لها عيادة صغيرة جنب بيت امام. وبقت الدكتورة صفية اللي بتعالج اهل النجع كله وحنان وامال كانوا بيساعدوها. وياسر بقى يقعد قدام العيادة يبص عليها بفخر ويقول لاي حد يعدي شايف الدكتورة دي دي مرتي وبنت عمي وانا اللي خطفتها يوم فرحها عشان بنت العم لابن العم ولو على جثتي.
وكل ما حد يسألها يا دكتورة صفية انتي ندمتي تقول لا انا فهمت ان العند لو كان للكرامة بيحمي وان الحب الصعيدي لو كان صادق ما بيموتش مهما بعدت المسافات وان اللي يحبك بجد هو اللي يخليكي تحققي حلمك وانتي في حضنه مش بعيد عنه. وامال بقت تقول لكل بنات النجع اتعلموا من صفية العند حلو بس لما يبقى معاه اصل. وحنان اتجوزت وخلفت وسمت بنتها صفية على اسمها. وحمدي وامام بقوا يقعدوا كل مغربية يشربوا الشاي ويضحكوا ويقولوا سبحان الله بنت العم لابن العم صحيح ولو على جثتي.
وياسر كان كل يوم الصبح يصحى بدري يروح الغيط يخلص شغله ويرجع يجيب لها الكتب من سوهاج ويستناها لحد ما تخلص كشفها ويرجعها البيت في ايده زي العيل الصغير اللي خايف يضيع منه لعبته الغالية. وصفية بقت كل ما تشوف غيرته تضحك وتقوله يا واد يا صعيدي بطل جنانك ده يقولها مقدرش يا صفية اصل انتي علمتيني ان الحب مش كلام وخلاص الحب فعل ورجولة. والناس في النجع بقت تحكي حكايتهم لكل عريس وعروسة جديدة عشان يعرفوا ان العند ما يفرقش القلوب الطيبة وان الاصل غلاب مهما لف الزمن ودار.
وكانت امال دايما تلم العيال حواليها وتحكي لهم وتقول العبرة مش في السفر ولا الشهادة العبرة في اللي يستناك ويرجع يخطفك من الدنيا كلها ويصونك للاخ ر بحب وكرامة وعز وشهامة.
